~~تعال~~

بســــم الله الرحمـــن الرحــــيم

تعـال ياللـي قسـم القلـب شطـريـن
في قسمتك قـل لـي مقاصـد جنونـك
قل لي بعد وشهـو مصيـر الشراييـن
من اختراعـن فيـه تـروي ضنونـك
ترتاح .. تفرح .. لا وتطرب وبعدين ؟؟
ما مر بك يمكـن افـارق عيونـك ؟؟
خليتنـي مابـيـن جـنـه ونـاريـن
حبـك وبعـدك او مفـارق فتـونـك
باطمنـك يـا خـل بالرفـق واللـيـن
وآبشـرك قلبـي حلـف مـا يخونـك
تدري إلى أي حد قبضتك يـا زيـن ؟؟
وإلا الحصار اللي اعيشـه بسجونـك ؟
كنك غديت السور وآنـا لـك الصيـن
مساحتـي تمـتـد داخــل ركـونـك
وتدري مقامك وين واصـل لهالحيـن ؟
برسل لـك الصـورة علـى تيلفونـك
شفهـا وقلبهـا مـن يـسـار ليمـيـن
وشف زينها ثم ضمهـا فـي جفونـك
من يوم كـان العهـد عهـد السلاطيـن
حضارتك تزخـر وتشهـد حصونـك
تعاااااال ياللـي قسـم القلـب شطريـن
في قسمتك قـل لـي مقاصـد جنونـك
خليتنـي مابـيـن جـنـه ونـاريـن
حبـك وبعـدك او مفـارق فتـونـك